Давлат раҳбари октябрда Шарқий Қозоғистонга ташриф буюради

NUR-SULTAN. Kazinform – Қозоғистон Президенти Қасим Жомарт Тоқаев октябрь ойида Шарқий Қозоғистон вилоятига иш ташрифи билан боради. Бу ҳақда Давлат раҳбари Twitter саҳифасида ёзди, деб хабар беради Kazinform.

«Кеча Шарқий Қозоғистон вилояти ҳокими Д.Ахметов Абайнинг 175 йиллиги доирасида амалга оширилган ишлар тўғрисида ҳисобот берди. Абайнинг Семейдаги музей мажмуаси, шоир туғилган ўсган ва ижод қилган ер тўлиқ обод қилинган. Объектларни кўздан кечириш учун октябр ойида вилоятга амалий ташриф билан бораман», - деб ёзди Президент.