Давлат раҳбари Halyk Bank раҳбарларини қабул қилди

ASTANA. Kazinform - Президент Halyk молиявий гуруҳи вакиллари Александр Павлов ва Умит Шаяхметова билан учрашди, дея хабар бермоқда Kazinform Ақордага таяниб.

Давлат раҳбарига банкнинг бугунги фаолияти, ривожланиш истиқболлари, шунингдек, маҳаллий бизнесни қўллаб-қувватлаш, Қозоғистоннинг хорижий давлатлар билан иқтисодий ва ишбилармонлик алоқаларини кенгайтиришда гуруҳ салоҳиятидан фойдаланиш бўйича таклифлар ҳақида сўзлаб берилди.

Банкнинг иқтисодиётнинг муайян тармоғини кредитлаши, рақамли хизматларни ривожлантириш ва жорий этиш бўйича давлат органлари билан ўзаро ҳамкорлик, шунингдек, ижтимоий лойиҳаларни амалга ошириш масалаларига алоҳида эътибор қаратилди.

Қасим-Жомарт Тоқаев молиявий гуруҳ фаолиятига ижобий баҳо берди. У бизнесни қўллаб-қувватлаш ва Қозоғистон иқтисодиётини молиялаштиришни рағбатлантиришнинг долзарблиги ва стратегик аҳамиятини қайд этди.

Фото: akorda.kz