12:00, 25 Август 2020 | GMT +6
Давлат раҳбари 1 сентябрь куни Қозоғистон халқига мурожаат қилади
NUR-SULTAN. Kazinform – Президент Қасим-Жомарт Тоқаев Қозоғистон халқига мурожаат қилади. Бу ҳақда Facebook саҳифасида Давлат раҳбарининг матбуот котиби Берик Уали маълум қилди.
«Президентнинг Қозоғистон халқига анъанавий мурожаати 2020 йил 1 сентябрда парламентнинг навбатдаги сессиясининг очилишида ўқиб эшиттирилиши режалаштирилган.
Парламентнинг иккала палатасининг қўшма мажлисида Президент Қасим-Жомарт Тоқаев мамлакатни инқироздан кейинги даврда ривожлантиришнинг асосий мақсадлари тўғрисида сўзлайди. Мурожаатнинг асосий қисми иқтисодий ва ижтимоий масалаларга бағишланади», - деди Президентнинг матбуот котиби.