Дарсдан ташқари спорт тўгарагини олиб борадиган ўқитувчига 100% устама тўланади

NUR-SULTAN. Kazinform – Қозоғистонда дарсдан ташқари спорт тўгаракларини олиб борадиган ўқитувчига 100% қўшимча ҳақ тўланади. Бу ҳақда ҚР Маданият ва спорт ишлари бўйича вице-вазири Нурқиса Дауешов маълум қилди, деб хабар беради Kazinform мухбири.

«Шунингдек, Президентнинг Мурожаатида 2021 йил 1 январдан бошлаб ўқитувчиларнинг иш ҳақи 25 фоизга оширилади. Шуни таъкидлаш жоизки, вазирлик ушбу йўналишда иш олиб бормоқда. 2020 йил 1 январдан бошлаб маданият ва спорт соҳасидаги ихтисослаштирилган мактаблар ва коллежлар ходимларининг иш ҳақи 2023 йилгача ҳар йили 25 фоизга оширилади», - деди вазир матбуот анжуманида.

Унинг айтишича, Мажлисда оммавий спортни ривожлантиришга қаратилган қонун лойиҳаси кўриб чиқилмоқда.

Ҳужжат доирасида дарсдан ташқари спорт дарслари учун давлат таълим ташкилотлари ўқитувчиларига 100% асосий иш ҳақи миқдорида қўшимча тўловни жорий этиш масаласи кўриб чиқилмоқда.

«Президентнинг Мурожаатида кўрсатилган стратегик йўналишларнинг сифатли ва ўз вақтида бажарилишини таъминлаш учун Вазирлик барча чораларни кўради», - деди у.

Муаллиф: Марлан Жиембай