Данияр Елеусиновга расмий равишда IBF унвони берилди

NUR-SULTAN. Kazinform – Қозоғистонлик боксчи Данияр Елеусинов (10-0, 6 КО) ярим ўрта вазн тоифасида IBF Intercontinental чемпиони унвонига расмий равишда сазовор бўлди, деб хабар беради Kazinform Sports.kzга асосланиб.

«Ҳурматли Данияр Елеусинўғли! IBF сизга ярим ўрта вазн тоифасида Intercontinental унвонни бериш шарафига муяссар бўлди. 2020 йил 27 ноябрда Флорида штатининг Голливуд шаҳрида Джулиус Индонго устидан қозонган ғалабангиз дунёга ҳақиқий чемпион эканлигингизни исботламоқда. Ушбу нуфузли мукофотни қабул қилганингиз учун ташаккур ва IBF унвонини катта ҳурмат ва садоқат билан олиб юришингизга ишонамиз. Вақти келганда, мажбурий ҳимоя жанглари учун сиз билан боғланамиз. Ҳурмат билан, (IBF) Карлос кичик-Ортис», - айтилган Халқаро бокс федерациясининг президенти К. кичик-Ортиснинг расмий хатида.

Хатнинг скриншотини Д.Елеусиновнинг менежери Зия Алиев Instagram-саҳифасида жойлаштирган.