CОVID-19 га қарши эмлаш туфайли дунёда туғилишнинг камайиши кузатилмоқда - фейк
4 Июль 22:51

CОVID-19 га қарши эмлаш туфайли дунёда туғилишнинг камайиши кузатилмоқда - фейк

NUR-SULTAN. Кazinform – Ижтимоий тармоқларда CОVID-19 га қарши эмлаш туфайли туғилиш даражаси пасайгани ҳақида ёзилди. Бироқ бу ёлғон маълумот, деб хабар беради Кazinform stopfake.kzга таяниб.

Манбаларга кўра, туғилишнинг пасайиши глобал тенденциядир. Бу 1950 йиллардаги baby-boomдан кейин бошланган. Ўшандан бери дунёда ўртача туғилиш кўрсаткичи йилдан-йилга доимий равишда пасайиб бормоқда. Шу билан бирга, туғилишнинг энг паст кўрсаткичи 1989-1993 йилларда кузатилган.

«Ушбу тенденция бир вақтнинг ўзида бир нечта омиллар билан изоҳланади: таълимнинг мавжудлиги, турмуш даражаси ва унинг давомийлигининг ошиши, контрацептив воситаларнинг мавжудлиги ва аёлларнинг эмансипацияси. Бу жараёнда эмлаш ва аҳолининг умумий саломатлиги муҳим рол ўйнамайди. Бироқ, туғилиш кескин камайди, деб айта олмаймиз. 2021 йилда, аксинча, Германияда 1997 йилдан бери биринчи марта туғилиш кўпайди, буни пост муаллифи мисол тариқасида келтирди», — дейилади сайт материалида.

CОVID-19 вакциналарининг туғилишга салбий таъсир кўрсатиши ҳақидаги назария бир неча бор рад этилган ёлғондир. Эмланган эркаклар ва аёлларнинг фарзандли бўлиш қобилиятини йўқотмаслигини исботловчи илмий тадқиқотлар мавжуд.

Шундай қилиб, тарқатилган маълумотлар эмлаш ҳақидаги афсонани нотўғри талқин қилиш ва анти-эмлашчилар томонидан фаол равишда илгари сурилаётган жаҳон тенденциясига асосланган ёлғондир.


Ўхшаш янгиликлар

Янгиликлар

Архив