COVID-19: Дунёда янги антирекорд қайд этилди
26 Январь 09:59

COVID-19: Дунёда янги антирекорд қайд этилди

GENEVA. Кazinform - Охирги ҳафтада дунё бўйлаб 21 миллиондан ортиқ одам коронавирус билан касалланган, бу пандемия бошланганидан бери энг юқори кўрсаткичдир, деб хабар беради Кazinform.

Жаҳон соғлиқни сақлаш ташкилоти (ЖССТ) чоршанбага ўтар кечасида коронавирус билан касалланганлар сони ўтган етти кун ичида 5 фоизга, вафот этганлар сони эса 1 фоизга ошганини маълум қилди.

17 январдан 23 январгача ЖССТ ҳафталик маълумотларига кўра, «Ўтган ҳафтага нисбатан янги CОVID-19 ҳолатлари беш фоизга ошган» – 21 362 288 киши коронавирус билан касалланган. Етти кун ичида 49 890 бемор вафот этди, бу бир ҳафта олдингидан 1 фоизга кўп.

Ўтган ҳафтага нисбатан (10-16 январ) вирус юқтирганлар сони Шарқий Ўртаер денгизида – 39 фоизга, Жануби-Шарқий Осиёда (36 фоиз) ва Европада – 13 фоизга ошган. Европада ҳафтада инфекциялар сони 10 миллиондан ошади, бу дунёдаги барча янги инфекцияларнинг 47 фоизини ташкил қилади. Айниқса, Жануби-Шарқий Осиёда ўлим даражаси 44 фоизга, Шарқий Ўрта ер денгизида эса 15 фоизга ошган. Шу билан бирга, Африка, Ғарбий Тинч океани ва Европада мос равишда 14%, 12% ва 5% га камайди.

АҚШ ҳафтада энг кўп инфекцияни қайд этди (4 215 852). Ундан кейин Франция (2 443 821), Ҳиндистон (2 115 100), Италия (1 231 741) ва Бразилия (824 279) жой олган.

Жаҳон соғлиқни сақлаш ташкилоти маълумотларига кўра, 25 январ ҳолатига кўра, пандемия бошланганидан бери дунёда 352 796 704 киши касалланган ва 5 600 434 киши вафот этган. Ўтган сутка давомида 2 миллион 158 минг 785 киши вирусга чалинган, 6 минг 189 киши вафот этган.

Янгиликлар

Архив