Чимкентнинг чекка ҳудудларида интернет сифати яхшиланади

SHYMKENT. Kazinform – Чимкентнинг чекка ҳудудларида интернет сифатини яхшилаш бўйича ишлар олиб борилмоқда, деб хабар беради Kazinform мухбири.

Чимкент шаҳар ҳокимининг ўринбосари М.Исахов раислигида шаҳар ва чекка туманларда интернет сифатини ошириш масалаларига бағишланган йиғилиш бўлиб ўтди.

Йиғилишда Архитектура, шаҳарсозлик ва ер муносабатлари бошқармаси ҳамда Энергетика ва инфратузилмаларни ривожлантириш бошқармаси ҳамда «Қазақтелеком» АЖ, «Кар-Тел» МЧЖ, «Кселл» АЖ, I-LinkNet.net, «СпецавтоматикаСервис» МЧЖ, «Мобайл Телеком-Сервис», «Чимкент вилоятлараро алоқа инспекцияси» ва «Нур-Астана Строй» МЧЖ вакиллари иштирок этди.

Йиғилишда рақамлаштириш бошқармаси томонидан ўтган йили вилоятни интернет тармоғи билан таъминлаш мақсадида 4 нафар инвестор жалб этилиб, 11 аҳоли пункти интернет тармоғи билан таъминланди.

Жорий йилда хусусий инвесторлар маблағлари ҳисобидан 15 та аҳоли пунктига оптик толали тармоқлар қуриш, интернет сифати паст бўлган 11 аҳоли пунктига база станцияларини ўрнатиш режалаштирилган.