Чимкентда 2029 йилгача 80 та мактаб қурилади

SHYMKENT. Кazinform – 2023-2029 йилларда Чимкент шаҳри таълим тизимини ривожлантириш бўйича минтақавий «йўл харитаси» қабул қилинди, дея хабар беради Кazinform ҚР Халқ таълими вазирлиги матбуот хизматига таяниб.

Халқ таълими вазири Ғани Бейсембаев ва Чимкент шаҳар ҳокими Мурат Айтенов вилоятда таълим тизимини янада ривожлантириш ва долзарб масалаларнинг аниқ ечимларига қаратилган қўшма ҳужжатни имзолади.

Шаҳар ҳокимлиги томонидан мактабгача таълим муассасаларидаги давлат буюртмалари сонини 24 минг 200 ўринга етказиш, 26 та мактабгача таълим муассасасида капитал таъмирлаш, шунингдек, давлат боғчаларининг моддий-техник базасини 100 фоизга янгилаш режалаштирилган. Мактабгача таълим ва тарбия муассасаларининг 7 минг нафардан ортиқ ўқитувчилари малака ошириш курсларидан, 1500 нафардан ортиқ педагоглар эса қайта тайёрлаш курсларидан ўтади.

Кейинги уч йил ичида 81 та мактабнинг очилиши уч сменали ва тўла мактаблар сонини камайтирди. «Йўл харитаси» доирасида яна 80 та мактаб, жумладан, «Қулай мактаб» дастури бўйича қуриладиган 38 мингга яқин ўқувчига мўлжалланган 25 та мактаб фойдаланишга топширилиши режалаштирилган. Шунингдек, 30 та умумтаъим муассасаси мукаммал таъмирланади.

Умуман олганда, «Йўл харитаси» Чимкент шаҳри таълим тизимининг барча йўналишларини ривожлантириш чора-тадбирларини ўз ичига олган бўлиб, уларнинг амалга оширилиши болаларнинг ҳар томонлама ва тўлақонли ривожланиши учун шароит яратиш имконини беради.