Чимкент аэропорти сотувга чиқарилди

SHYMKENT. Кazinform - Чимкент аэропорти сотувга қўйилди, дея хабар беради Кazinform мухбири.

Чимкент шаҳар йўловчи транспорти ва автомобил йўллари бошқармаси балансидаги Чимкент аэропорти сотувга чиқарилди.

Аэропортни ишончли бошқариш бўйича тендер орқали сотиб олиш ҳуқуқи тақдим этилади.

Бошланғич баҳоси – 5 695 225 000,00 тенге. Ҳужжатларни қабул қилиш бошланди.

Савдо 9 феврал соат 10:00 да бўлиб ўтади.

Тендер шартларига мувофиқ харидор:

- аэропортни ишончли бошқариш даврида аэропорт хизматлари профилини сақлаши;

- фуқаро авиациясининг замонавий стандартлари даражасига кўтариш мақсадида аэропортнинг ишончли бошқаруви (ишлаб чиқариш объектларини зарарсизлантириш, перронни реконструкция қилиш, ускуналарни модернизация қилиш) ва аэропорт инфратузилмасини модернизация қилиш даврида унинг техник ҳолатини яхшилаш;

- қонун ҳужжатлари талабларига мувофиқ йўловчилар оқимини кўпайтириш ва парвозлар географиясини кенгайтириш мақсадида ишончли бошқарув шартномаси кучга кирган кундан бошлаб, яъни перронни қайта қуриш ва йўловчи терминалини фойдаланишга бериш учун кадастр №22-327-023-029 (майдони 6 гектар) ер участкасини тасарруфдан чиқаришни ташкил этиш;

- аэропортнинг парвозга яроқлилик сертификатини сақлаш ва парвозлар хавфсизлигини таъминлаш учун сертификатлаштириш талабларини таъминлаш(учишга яроқлилик сертификатини бериш);

- иш ўринлари сонини сақлаб қолиш ва зарур ҳолларда янги иш ўринларини яратиш;

- аеропортдан йўналишлар тармоғини ривожлантириш ҳисобига аэропорт томонидан кўрсатиладиган ишлар ва хизматлар ҳажмини ошириш;

-табиатни муҳофаза қилиш тадбирларини амалга ошириш;

- авиация ходимларининг малакасини ошириш, тайёрлаш ва қайта тайёрлаш;

- объектнинг коммунал хизматлари (сув, газ, электр энергияси, қаттиқ маиший чиқиндиларни утилизация қилиш ва бошқалар) билан шартномалар тузилишини таъминлашга мажбур.

Муаллиф: Қайрат Зайнишев