Валюталар курси:
    usd/kzt 424.84 eur/kzt 453.6

    rub/kzt 7.3 cny/kzt 63.91
Об-ҳаво маълумотлари:
Нур-Султон : 1 °С
Алматы: 15 °С

Чимкент аҳолиси озиқ-овқат нархларини назорат қила олади

27 Январь 09:31

SHYMKENT. Кazinform – Чимкент аҳолиси озиқ-овқат нархи чегарадан ошиб кетса, онлайн тарзда шикоят қилишлари мумкин, деб хабар беради Кazinform мухбири.

Бугунги кунда вилоятда тўғридан-тўғри телефон линияси мавжуд.

Исталган фуқаро 24-75-41 телефон рақамига қўнғироқ қилиб, дўконларда нархлар ошиши ҳақида хабар бериши мумкин.

Мурожаатга кўра, тегишли идоралар дўкон эгаларига нисбатан чора кўради.

«Амалдаги қонунчиликка кўра, Қозоғистон Республикаси Маъмурий жавобгарлик тўғрисидаги кодексининг 204-моддаси 4-банди нарх 15 фоиздан ошган тақдирда маъмурий чоралар кўришни назарда тутади. Мазкур модда асосида, биринчи навбатда, профилактика чоралари кўрилади, – дейди шаҳар Қишлоқ хўжалиги ва ветеринария бошқармаси озиқ-овқат хавфсизлиги бўлими бошлиғи Қайрат Базарбеков.

Бошқарма бошлиғининг таъкидлашича, бугунги кунда Чимкент шаҳрида озиқ-овқат маҳсулотлари етишмовчилиги кузатилмаяпти.

Захирада озиқ-овқат етарли.

Ижтимоий аҳамиятга эга озиқ-овқат маҳсулотлари «GRА-МАD» ва «Магнум» йирик савдо тармоқларида белгиланган нархларда сотилади.

Масалан, нон - 80 тенге, биринчи навли буғдой унининг килограмми - 170 тенге. Макарон - 193 тенге, сабзи 148 тенге туради.

Шаҳардаги нархлар барқарорлигини назорат қилиш мақсадида ташкил этилган мониторинг гуруҳи нархлар барқарорлигини назорат қилиш мақсадида дўконларга тез-тез ташриф буюради.

Муаллиф: Қайрат Зайнишев


Новости по теме
Ўхшаш янгиликлар