Чет эл сармояси Хитой бозорини кетма-кет 6 ойдан бери тарк этмоқда

NUR-SULTAN. Кazinform – Пайшанба куни Халқаро молия институти (IIF) хорижий капитал Хитойни кетма-кет олтинчи ой тарк этаётганини маълум қилди, дея хабар беради Кazinform Breitbart агентлигига таяниб.

Июл ойи ҳолатига кўра, жами 20 трл долларлик облигациялар бозоридан 3 млрд доллар олиб кетилди. IIF халқаро савдо гуруҳининг таъкидлашича, хорижий инвесторлар тўрт ой ичида биринчи марта Хитой акцияларини тушириб, фонд бозоридан 1 млрд доллардан ортиқ соф маблағ чиқиб кетишга олиб келди.

IIF таҳлилчиларининг айтишича, бу компания 2005 йилда Хитой бозорини назорат қила бошлаганидан бери мамлакат хорижий капитали учун энг йирик йўқотишдир.

Таҳлилчилар Хитойнинг иқтисодий ўсишини иккинчи чоракда 0,4 фоизга пасайганлиги ва хорижий бизнесни Хитой шаҳарларидан узоқлаштирган қаттиқ коронавирус карантин чоралари хорижий капиталнинг чиқиб кетишига ёрдам берувчи омиллар сифатида боғлашди.

Умуман олганда, Хитой йирик сармоядорлар учун жозибадор бозор бўлиб қолмоқда, аммо изоляция таҳдидлари ва Ғарбнинг мумкин бўлган санкцияларидан келиб чиқадиган хавф тушунчаси уни молиявий даромадлардан узоқлаштирмоқда.