Буюк Британиянинг коронавирусга қарши вакцинаси ўз таннархида сотилади

BRUSSEL. Kazinform – Оксфорд университети томонидан Британиянинг AstraZeneca фармацевтика компанияси билан ҳамкорликда ишлаб чиқилган келажакдаги коронавирусга қарши вакцина бутун дунё бўйлаб ўз нархларида сотилади, дея хабар беради Kazinform мухбири RTBFга таяниб.

«Бизнинг мақсадимиз - вакцинани барчага етказиб бериш. Бизнинг олдимизда яна бир мақсадимиз бор, вакцинани фойда кўриш сотмаймиз, яъни биз вакцинани дунёнинг барча минтақаларига ўз нархида етказиб берамиз», - дея таъкидлади AstraZeneca раҳбари Паскал Сорио. «Бу вакциналарнинг ҳар биттаси тахминан 2,5 евро туради», - дея қўшимча қилди у.

Американинг Johnson & Johnson гуруҳи ҳам худди шундай қилишни режалаштиришмоқда, Pfizer ва Moderna компанияси эса сешанба куни АҚШ Конгрессида тинглашларида коронавирус вакциналарини қиммат нархда сотмоқчи, яъни фойда олишни режалаштиришларини тасдиқладилар.

Британияда ишлаб чиқилган номзод-вакцина иммунитетни сезиларли даражада оширади ва клиник синовларнинг дастлабки босқичларида беморларда хавфсиз эканлиги исботланган.

Буюк Британия номзод-вакцинасининг самарадорлиги учинчи босқичда кўплаб одамларда синовдан ўтказилади. Шундагина вакцинани оммавий фойдаланиш мумкин бўлади.

«Учинчи босқич натижаларини кузда олишга умид қиламиз, шунинг учун вакцинани йил охиригача етказиб берамиз деб ўйлаймиз», - деди AstraZeneca раҳбари.

Муаллиф: Тимур Дуйсекеев