Буюк Британияда Қозоғистоннинг янги геосиёсий вазиятдаги инвестиция режими муҳокама қилинди

NUR-SULTAN. Kazinform – Қозоғистоннинг Буюк Британиядаги элчихонаси «Armstrong Teasdale» юридик фирмаси билан биргаликда инвесторлар учун «Ўзгаришлардан сўнг Қозоғистон учун янги йўналишлар ва янги имкониятлар» конференциясини ўтказди, деб хабар беради Kazinform ҚР ТИВ матбуот хизматига таяниб.

Тадбирда Британия ишбилармон доираларини кенг кўламли сиёсий ислоҳотлар, янги иқтисодий сиёсат чора-тадбирлари ва янги Қозоғистонни барпо этишнинг устувор йўналишлари, мамлакатда янада қулай сармоявий муҳит яратишга асосий эътибор қаратилди.

Очилиш маросимида Қозоғистон Республикасининг Фавқулодда ва Мухтор Элчиси Ерлан Идрисов ва «Armstrong Teasdale» ҳамкори Дэниел О’Коннелл сўзга чиқди.

Хусусан, қозоғистонлик дипломат мамлакатнинг сармоявий жозибадорлиги ортиб бораётганини таъкидлади. 2021 йилда мамлакат иқтисодиётига тўғридан-тўғри хорижий инвестициялар оқими 37 фоизга ошиши бунинг далилидир.

Бундан ташқари, Е. Идрисов Қозоғистонда иқтисодиётни модернизация қилиш жараёни, мамлакатнинг сармоявий стратегияси ҳамда Қозоғистон ва Буюк Британия ўртасидаги сармоявий ва иқтисодий ҳамкорликнинг янги истиқболлари ҳақида маълумот берди.

Унинг сўзларига кўра, Буюк Британиядан Қозоғистонга янги капитал қўйилмаларнинг ўсишига умумий инглиз ҳуқуқи асосида фаолият юритувчи «Астана» халқаро молия маркази фаолияти ва асосан Британиянинг таниқли судяларидан иборат арбитраж институтларнинг фаол иши сезиларли туртки бўлади.

Конференция давомида АХММ инвестиция бўйича директори Жеймс Мартин январ воқеалари ва Украинада давом этаётган можародан кейин Қозоғистонга сармоя киритишнинг янги истиқболлари ҳақида гапирди.

Унинг сўзларига кўра, минтақадаги яққол нотинч жараёнлар «Қозоғистон ютуқларини йўққа чиқаришга олиб келмади, аксинча, аввалдан режалаштирилган чора-тадбирларни тезлаштирди». Унинг таъкидлашича, мамлакат сармоя ва иқтисодий барқарорлик «ороли» бўлиб, қўшни давлатлардан Қозоғистонга бизнеснинг оммавий миграцияси шундан далолат беради.