Буюк Британияда автомобил ёқилғиси нархлари янги рекордларни ўрнатди

NUR-SULTAN. Kazinform – Британия автомобил ташкилоти RAC маълумотларига кўра, бензин нархи сўнгги бир ой ичида янги рекорд даражага етди, дея хабар беради Kazinform мухбири BBC Newsга таяниб.

Россия нефтига қарамликни камайтиришга қаратилган чора-тадбирлар ёқилғи ва бошқа товарлар ва хизматлар нархининг ошишига олиб келди ва натижада мамлакатдаги ижтимоий вазиятга босим ўтказилмоқда.

Ҳозирда 1 литр бензиннинг ўртача нархи 186,59 пенсни, дизел ёнилғиси эса 192,48 пенсни ташкил этиб, май ойининг охиридан мос равишда 7,4 ва 5 фоизга ошган.

RAC ҳукуматни автоуловчиларнинг харажат юкини енгиллаштириш ва яшаш нархини пасайтиришга ёрдам бериш учун ёқилғи солиғини камайтиришга чақирди.

RACнинг дизел ёқилғисининг улгуржи нархлари таҳлили шуни кўрсатадики, у илгари тасаввур қилиб бўлмайдиган £ 2/литр нархига етиши мумкин.

Ҳукумат ёқилғи, электр энергияси ва озиқ-овқат нархларининг кескин кўтарилиши туфайли ижтимоий ҳимояга муҳтожларга ёрдам бериш учун 37 миллиард фунт стерлинг миқдорида ёрдам пакетини тайёрлади.

Муаллиф: Рустем Қожибаев