Буюк Британия бош вазири Борис Жонсон фуқароларни қайта эмланишга чақирди

NUR-SULTAN. Kazinform - Буюк Британия Ҳукумати сўнгги 24 соат ичида SARS-CОV-2 инфекцияси ҳақидаги маълумотларни эълон қилди. Бир кунда мамлакатда 44 985 киши инфекция юқтирди, вирус ташувчиларнинг умумий сони 8 734 934 тага етди.

Бу ҳақда Қозоғистон Ҳукумати ҳузуридаги коронавирус тарқалишининг олдини олиш бўйича идоралараро комиссиясининг Telegram каналига таяниб Kazinform хабар беради.

Эпидемиологик вазият туфайли Бош вазир Борис Жонсон фуқароларни дарҳол эмланишга ва қайта эмланишга чақирди. У британияликлар коронавирусга қарши курашда «ажойиб ютуқларга» эришганини айтиб, вакцинанинг ўзини ҳимоя қилиш қобилияти олти ойдан кейин заифлашиши мумкинлигини таъкидлади. Буюк Британияда 50 ёшдан ошганлар, тиббиёт ходимлари, қариялар уйи ходимлари ва сурункали касалликларга чалинганлар COVID-19 га қарши эмланиши керак.

Украинада коронавирус тўлқини сусаймаяпти. Соғлиқни сақлаш вазирлиги маълумотларига кўра, ўтган кун давомида 23 229 та янги инфекция аниқланган ва 483 бемор вафот этган.

Натижада пандемия бошланганидан бери SARS-CоV-2 ташувчиларнинг умумий сони 2 748 614 нафарга, вафот етганлар сони еса 63 486 нафарга етди.

Таъкидлаш жоизки, мамлакатда эмлаш секин кечмоқда. Биринчи компонент билан эмланганлар сони – 8 890 452 нафар ёки 21,5 фоиз, 6 963 577 киши тўлиқ эмлаш курсидан ўтган. Бугунги кунда Украинада 43 миллиондан ортиқ киши истиқомат қилади.