Бутунжаҳон этноспорт конфедерацияси Туркияда 2000 та қора уй қуради

QAHRAMANMARASH. АNADOLY – Кazinform – Туркиянинг зилзиладан жабр кўрган провларинцияларида Турк дунёси давлатлари билан ҳамкорлик эвазига 2000 дан ортиқ қора уй(ўтов) қурилади. Бу ҳақда Бутунжаҳон этноспорт конфедерацияси президенти Билол Эрдоған Қаҳраманмарашдаги «Бирдамлик» деб номланган чодирлар лагерига ташриф буюрганида айтиб ўтди. Бу ҳақда Kazinfotm Аnadolyга таяниб хабар беради.

Билол Эрдоғаннинг «Аnadolyга берган интервьюсида таъкидлаганидек, Бутунжаҳон этноспорт конфедерацияси биринчилардан бўлиб жабрланганлар учун ёрдам сўради ва зилзиладан кейинги биринчи ҳафтада турли тадбирларда фойдаланиш учун омборларда турган 70 та қора уйни жўнатди.

Унинг сўзларига кўра, айни пайтда Қозоғистон ва Қирғизистонда қора уйларини жўнатиш бошланган.

«Табиий офатлар ва фавқулодда вазиятлар агентлиги (АFAD) раҳбарлигида 250 га яқин қора уйлар қурдик. Бу ерга қозоқ ва қирғиз биродарларимиз билан бирга жамоаларимиз ҳам келиб, ўз уйлари қуриш билан шуғулланишган. Шунинг учун ҳам Қозоғистон ва Қирғизистон байроқларини кўриш мумкин.

Кейинроқ қора уйлар сонини кўпайтириш ҳақида ўйладик. Мўғулистон, Қозоғистон, Қирғизистон, Ўзбекистон ва Озарбайжон билан ҳамкорлик доирасида турли ҳудудларда 2 мингдан ортиқ қора уйлар қуришимиз мумкин. Уларнинг ҳар бири «Бирдамлик» лагерга айланади», - деди Билол Эрдоған.

Бутунжаҳон этноспорт конфедерацияси томонидан қайд этилганидек, Гўксун туманида Гюнгорен муниципалитети кўмагида 100 та, Ускудар муниципалитети кўмагида ўқишга тайёрланаётган талабалар учун яна 200 та қора уй қурилган.

Эслатиб ўтамиз, Туркиянинг Қаҳраманмараш провинциясида 6 февраль куни иккита вайронкор зилзила содир бўлди. Магнитудаси 7 баллдан ошади. Ер силкинишлари мамлакатнинг 10 провинциясида, шунингдек, қўшни давлатлар, жумладан Сурияда ҳам сезилган. Ушбу табиий офатдан Туркияга етказилган зарар 105 миллиард доллардан ошди.

Охирги расмий маълумотларга кўра, зилзила оқибатида 50 096 киши ҳалок бўлган. 107 204 киши жароҳатланган.