Бурабайда йўлда қолиб кетган 29 нафар чет эллик қутқарилди

KÓKSHETAÝ. Kazinform – Ақмола вилоятида йўлда қолиб кетган 29 нафар Тожикистон фуқароси қутқарилди, деб хабар беради Kazinform мухбири ФВД матбуот хизматига ҳавола қилиб.

Департамент матбуот хизматининг маълум қилишича, Бурабай тумани ҳудудида «Нур-Султан-Петропавл» автотрассасида «Сетра» русумли йўловчилар автобуси техник носозликлар туфайли йўлда қолиб кетган.

«Автобус Тожикистондан Россиянинг Сургут шаҳрига бораётган. Ичида 26 йўловчи ва 3 нафар ҳайдовчи бўлган. Йўловчиларнинг ҳаммаси Тожикистон Республикаси фуқароларидир, тўрт нафари аёл киши, биттаси ёш бола. Ҳеч ким жабрланмаган. Йўловчилар икки қисмга бўлиниб, Щучинск шаҳридаги техника колледжи ва №13 Умумий турдаги мактаб интернати ётоқхоналарига жойлаштирилди. Ҳеч ким тиббий ёрдамга мухтож бўлмаган», - деб маълум қилди Бурабай туман фавқулодда вазиятлар бошқармаси бошлиғи вазифасини бажарувчи Қанат Бабаев.

Муаллиф: Аслан Оспанов