Бухоро-Урал газ қувурининг қурилиши Ақтўбе вилояти қишлоқларини газ билан таъминлаш муаммосини ҳал қилади: 27 Февраль, 08:10

AQTÓBE. Кazinform - Бухоро-Урал газ қувурининг учинчи линияси қурилиши Ақтўбе вилояти қишлоқларини газ билан таъминлаш муаммосини ҳал қилади. Лойиҳа жорий йилда бошланади. Бу ҳақда вилоят ҳокими Ерали Тўғжанов Қарғали тумани аҳолиси билан учрашувда маълум қилди, дея хабар беради Kazinform мухбири ҳокимлик матбуот хизматига таяниб.

Қарғалиликлар вилоят раҳбарига ўзларини қизиқтирган саволлар билан мурожаат қилишди, уларнинг аксарияти йўллар қуриш ва таъмирлаш, қишлоқларни газ билан таъминлашга оид масалаларга тегишли.

– Вилоятимиз учун газ таъминоти муаммоси айни пайтда долзарб ҳисобланади. Хомашё етарли, бироқ мавжуд тармоқлар ҳудудга керакли ҳажмни ташишни таъминлай олмайди. Энди улар ҳаддан ташқари юкламага эга. Битта ечим бор – Бухоро-Урал газ қувурининг учинчи линиясини қуриш. Бу жуда катта лойиҳа бўлиб, узунлиги 162 км бўлади, умумий қиймати тахминан 43 млрд тенгени ташкил этади. Бу йил қурилишни бошлаймиз. Бусиз вилоят қишлоқларини газлаштириш масаласини кун тартибидан олиб ташлай олмаймиз», - дейди Ерали Тўғжанов.