Бугунги кунда Қозоғистонда йилқи сони 2,9 миллионга етди

NUR-SULTAN. Kazinform – Давлат томонидан қўллаб-қувватлаш ва субсидиялар туфайли Қозоғистонда отларнинг сони совет даврига нисбатан 1,7 баравар кўпайди. Бу ҳақда Қозоғистон Қишлоқ хўжалиги вазирлиги маълум қилди, дея хабар беради Kazinform мухбири.

«1991 йилда Қозоғистондаги барча тоифадаги хўжаликлардаги отларнинг сони 1,7 миллионга яқин эди. Кейинги бозор иқтисодиётига ўтиш даврида чорва моллари сони кескин камайиб кетди ва 2000 йилга келиб мамлакатда отларнинг сони миллиондан кам эди. Ҳукумат 2002 йилда ёрдам беришни бошлаганидан бери йилқилар сонининг ўсиши кузатилмоқда. 2011 йилда наслли отларни сотиб олиш, кимиз ва от гўшти ишлаб чиқаришни давлат томонидан субсидия шаклида қўллаб-қувватлаш бошланди. Кўрилган чоралар натижасида бугунги кунда Қозоғистондаги отларнинг сони 2,9 миллионга етди. Бу 1991 йилдагига нисбатан 1,7 баравар ва 2000 йилга нисбатан 3 баравар кўп», - дейилади вазирлик хабарида.

Натижада мамлакатда йилқи чорвачилиги ва бия сути ишлаб чиқариш ривожланиб, зотдор отларнинг сони кўпайди. 2011 йилдан бери давлат харидларни субсидиялаштирди ва уларнинг улуши 1,9 баравар ошди. Бугунги кунда давлат от хўжалиги билан шуғулланадиган маҳаллий ишлаб чиқарувчиларни қўллаб-қувватлашда давом этмоқда.

Муаллиф: Марлан Жиембай