Бугун сиёсий партиялар вакиллари ўртасида сайловолди дебат бўлиб ўтади

None
ASTANА. Кazinform – Бугун «Хабар» телеканалининг жонли эфирида Мажилис сайловида иштирок этаётган 7 та сиёсий партия вакиллари ўртасида дебат бўлиб ўтади, деб хабар беради Кazinform мухбири.

Дебатда «Аmanat» сиёсий партиясидан Ерлан Қошанов, «Ауыл»(Овул) Халқ демократик ватанпарварлик партиясидан Жигули Дайрабаев, «Respublika» партиясидан Айдарбек Қожаназаров, Қозоғистон Халқ партиясидан Оксана Аубакирова, «Байтақ» Қозоғистон Яшиллар партиясидан Азаматхон Амиртаев, Қозоғистоннинг «Ақ жол» демократик партиясидан Азат Перуашев ва Бутунмиллий социал-демократик партиясидан Нурлан Ауесбаев иштирок этади.

Регламентга кўра, теледебат уч раунддан иборат. Биринчи раунднинг ўзи икки турга бўлинган.

Дастлаб иштирокчилар ўз партияларини таништирадилар. Хусусан, партиянинг мақсад ва вазифалари, сиёсий маконда тутган ўрни, халқ ҳаётини қандай яхшилаши ҳақида маълумот беради.

У буни 2 дақиқада таништириши керак. Биринчи раунднинг иккинчи босқичида иштирокчилар рақибларига кескин, долзарб савол беришлари мумкин.

Иккинчи раунд «Қозоғистоннинг ижтимоий-иқтисодий ривожланиши» деб номланади. Шунингдек, у икки турга бўлинган.

Биринчи турда иштирокчилар ўзларининг сайловолди дастури доирасида Қозоғистонни ижтимоий ва иқтисодий жиҳатдан қандай ривожлантиришлари ҳақида сўз юритадилар. Бу ҳам 2 дақиқа вақт олади.

Иккинчи турда эса «Хабар» агентлиги томонидан махсус ташкил этилган cаll-марказда тингловчилардан келиб тушган саволга партия вакиллари жавоб беради.

Учинчи раундда теледебат иштирокчилари «Сайловчиларга мурожаат» билан чиқишади. Ҳар бир иштирокчига 1,5 дақиқа вақт берилади.

Эслатиб ўтамиз, бунгача Qazaqstan миллий телеканалида 7 та сиёсий партия вакиллари ўртасидаги илк дебат жонли эфирда ўтказилган эди.

Иккинчи дебат эса КТК телеканалида ташкил этилди.

Фото: allforshow.tv

Муаллиф: Марлан Жиембай


Сўнгги хабарлар