Бугун – Конституция куни
Умуман олганда, Мустақил Қозоғистоннинг асл Конституцияси тарихи 1993 йилдан бошланади. Иккинчи Конституциянинг амалдаги лойиҳаси эса 1995 йил 30 августда ҳуқуқ соҳасининг барча йирик шахслари, зиёли олимлар, сиёсатчилар иштирокида қабул қилинди.
Бугунги кунга қадар Конституция 1998, 2007, 2011, 2017, 2019 ва 2022 йилларда ислоҳ қилинган.
1998 йилдаги ислоҳот доирасида ҳужжатнинг 19-моддасига ўзгартириш ва қўшимчалар киритилди.
Президент, Сенат ва Мажилис депутатларининг муддатлари ва ваколатларига аниқлик киритилди, давлат хизматчилари учун белгиланган ёш чегараси олиб ташланди. Мажлис депутатларини пропорционал вакиллик тизими бўйича партия рўйхати бўйича сайлаш амалиёти ҳам 1998 йилдаги ушбу тузатишлардан сўнг амалга оширила бошланди.
2007 йилда амалга оширилган ислоҳотлар натижасида пропорционал сайлов тизимининг кўлами кенгайтирилди ва шу асосда Ҳукуматни шакллантириш жараёнида партия фракцияларини аралаштириш механизми жорий этилди. Қозоғистон Халқ Ассамблеяси конституциявий мақомга эга бўлиб, белгиланган квота бўйича Парламент Мажилиси ва Сенатига ўз вакилларини юбора бошлади.
2011 йилги ўзгартиришда навбатдан ташқари Президент сайловини тайинлаш ва ўтказишнинг конституциявий асослари қайта белгиланди.
2017 йилда Конституциянинг 25 та моддасига 33 та ўзгартириш киритилди. «Қозоғистон-2050» стратегияси, бешта институционал ислоҳот консепциялари ана шу ислоҳотдан сўнг сиёсий муомалага кирди.
2019 йилда Қозоғистон Республикаси Конституциясига ўзгартириш киритилиб, пойтахт номи Астанадан Нур-Султанга ўзгартирилди.
Конституцияга киритилган сўнгги ўзгартиш ва қўшимчалар жорий йил 5 июн куни бўлиб ўтган умумхалқ референдуми орқали қабул қилинди.
Муаллиф: Марлан Жиембай