Бугун Қадр кечаси
Қуръонда Қадр кечасининг аниқ вақти айтилмаган, ал-Бухорий ҳадиси шарифда бу кеча Рамазоннинг охирги 10 кунидаги тоқ кечалардан бири эканлиги айтилган. Кўпчилик буни Рамазоннинг 26-кунидан 27-кунига ўтар кечаси деб ҳисоблайди.
«Қадр кечаси муборак Рамазон ойида келадиган муқаддас кечадир. Рамазоннинг охирги ўн кечаси мусулмон учун жуда муҳим. Чунки Қуръони Карим Қадр кечасида нозил бўлган. Шунинг учун Исломда бу кеча алоҳида қадрланади. Қуръони Каримда «Қадр» сураси бор. Бу кечанинг ўта шарафли бўлганидан далолат беради», – дейилади ҚМДБ сайтида.
«Қадр» арабча сўздир. У «қадр», миқдор, деган маъноларни ифодалайди. Шаръий маъносида эса «Аллоҳ Таоло бир йилдан кейин содир бўладиган воқеаларни ҳукм қилиб, ёзиб қўядиган кеча» деб таърифланган.
Қадр кечасининг бир қанча аломатлари бор. Уламоларнинг фикрича, Қадр кечаси аломатлари икки тоифага бўлинади. Биринчиси, вақтида (яъни, ўша кечада) маълум бўлган аломатлардир. Ўша тун тиниқ ва ой нури ёруғ; юрак тинчлиги, ташвишларга берилмасдан хотиржамлик ҳисси; ёқимли шабада эсиши; Бу совуқ ҳам, иссиқ ҳам бўлмаган қулай об-ҳавонинг мавжудлигини ўз ичига олади. Иккинчиси тонг отгандаги белги. Бунда қуёш нур таратмасдан қизариб чиқади.
Қадр кечасида намозни кўпайтириш, Қуръонни кўпроқ ўқиш, дуо қилиш тавсия этилади.
Эслатиб ўтамиз, бу йилги Рамазон ойи 23 март куни бошланган эди. 21 апрель куни мусулмонлар Рамазон ҳайитини нишонлайдилар. Бу саналар Қозоғистон мусулмонлари диний бошқармаси томонидан Марказий Осиё давлатлари муфтийлари, фатво соҳасига масъул олимлар билан келишилган ҳолда, шунингдек, илмий тадқиқотлар натижаларини ҳисобга олган ҳолда белгиланди.
Бу йилги фитр садақаси миқдори киши бошига 535 тенге этиб белгиланди. Фитр эҳсони миқдори бутун мамлакат бўйлаб икки килограмм уннинг умумий нархидан келиб чиқиб белгиланди. Фитр садакасини хурмо ва майиз нархида ҳам бериш мумкин.
Муаллиф: Анеля Қасимова