Бу йил Қозоғистоннинг учта вилояти кунгабоқар майдонларини кўпайтирди

ASTANA. Kazinform - Бу йил учта вилоят кунгабоқар майдонларини кўпайтирди. Бу ҳақда ҚР Қишлоқ хўжалиги вазири Ербол Қарашўкеев Ҳукумат йиғилишида маълум қилди, дея хабар беради Kazinform мухбири.

«Жорий йилда ҳокимликлар маълумотларига кўра, умумий экин майдони 23,4 миллион гектарни ташкил этди. Бу 2022 йил даражасидан 68,6 минг гектарга кўпдир. Улардан ёзги экин майдонлари 20,9 миллион гектарни ташкил этади. 15,6 миллион гектар майдонга бошоқли дон экинлари экилиб, экиш тўлиқ якунланди. Ёғли экинлар майдони бўйича режа 3,3 миллион гектарни ташкил этди. Режа 97,4 фоизга бажарилди.

Ўтган йилга нисбатан мойли экинлар майдони Шимолий Қозоғистон вилоятида 50 минг гектарга, шунингдек, Ақмола вилоятида 17,4 минг гектарга ва Абай вилоятида 12,4 минг гектарга кўпайтирилди», - деди Ербол Қарашўкеев.

Унга кўра, жорий йилда қанд лавлаги майдони 19 минг гектарга етди.

«Картошка экиш якунланди, экин майдонлари 6,7 минг гектарга кўпайди ва 197,5 минг гектарга етди, шундан 2 минг гектар Шимолий Қозоғистон вилоятига тўғри келади. Қанд лавлаги майдони 19 минг гектарга етказилди, бу 2022 йилга нисбатан 7,4 минг гектарга кўп, экиш якунланди», - деди вазир.

Муаллиф: Есимжан Нақтибай