Бу йил Қозоғистонда энг кўп абитуриент танлаган мутахассислик IT йўналиши бўлди

NUR-SULTAN. Kazinform – Қозоғистон Республикаси Фан ва олий таълим вазирлиги Миллий тест маркази директори Руслан Емелбаев жорий йилда абитуриентлар орасида энг талаб юқори бўлган мутахассисликларни номлади, деб хабар беради Kazinform мухбири.

Унинг сўзларига кўра, бу йил абитуриентлар асосан техник мутахассисликларни, жумладан, IT-технологияларини танламоқда, шунингдек, стоматология, педагогика йўналишларини танлаганлар ҳам кўпчиликни ташкил қилади.

«Миллий ягона тест натижаларига кўра, биз танлов бўйича статистик маълумот бера олмаймиз, чунки ОТМларда ҳужжатларни қабул қилиш 13 июлдан бошланади, бироқ шуни ҳисобга олиш керакки, таянч фанлар натижаларига кўра, абитуриентларнинг 27 фоизит техник мутахассисликлар бўйича ўқишга кириш мақсадида физика ва математика фанлари комбинациясини танлаган. Техник мутахассисликлар орасида энг нуфузли мутахассислик бу IT йўналишидир. Иккинчи ўринда - 18% - кимё-биология. Чунки стоматологияга талаб катта. Педагогика мутахассисликлари эса учинчи ўринда»

, - деди Руслан Емелбаев.