Бу йил Қозоғистонда абитуриентлар ҳужжатларни университетларга уйдан туриб топширишлари мумкин
10:15, 13 Июл 2022
NUR-SULTAN. Kazinform – Олий таълим муассасалари томонидан абитуриентларни виртуал қабул қилиш энг ишончли усуллардан бирига айланмоқда. Ўтган йили чекка қишлоқлардаги минглаб битирувчиларнинг ҳужжатлари шу тарзда қабул қилинди, дея хабар беради Kazinform ҚР Фан ва олий таълим вазирлигига таяниб.
Жорий йилда олий таълим муассасалари ўзларининг виртуал кабинетларини қайта очдилар, қабул комиссиялари дастлабки иш кунлариданоқ ҳужжатларни онлайн қабул қилишга тайёр. Бу ерда университет ходимлари маслаҳат берадилар ва видео ҳавола орқали ҳужжатларни қабул қиладилар.
«Хизмат кўрсатиш самарадорлиги ва тезлигини ошириш мақсадида ходимлар сони кўпайтирилди. Хизматга талабалар орасидан кўнгиллилар гуруҳи жалб қилинган. Жорий йилда таълим грантларини тайинлаш бўйича танловда иштирок этиш учун ҳужжатларни қабул қилиш 2022 йилнинг 13-20 июл кунлари амалга оширилади», - деб ёзади вазирлик.
Университетлар ва виртуал қабул комиссиялари учун барча зарур алоқа маълумотлари Миллий тест марказининг www.testcenter.kz сайти орқали мавжуд.