Бу йил Қозоғистонда 120 мингдан ортиқ иш ўринлари яратилди

NUR-SULTAN. Kazinform – 2020-2021 йилларга мўлжалланган Бандлик йўл харитаси доирасида шу йилда 5 954 лойиҳани амалга ошириш бошланди, 120 мингдан ортиқ иш ўринлари яратилди, дея хабар беради Kazinform Қозоғистон Меҳнат ва аҳолини ижтимоий ҳимоя қилиш вазирлиги матбуот хизматига таяниб.

Дастур доирасида маҳаллий ижро этувчи ҳокимият органлари томонидан 6506 та лойиҳа танлаб олинди.

Инфратузилма лойиҳаларини амалга ошириш 4 асосий йўналиш бўйича амалга оширилади:

- ижтимоий-маданий объектларни капитал ва жорий таъмирлаш, реконструкция қилиш ва қуриш (2 703 лойиҳа);

- уй-жой-коммунал хўжалигини капитал, ўрта ва жорий таъмирлаш, реконструкция қилиш (1039 та лойиҳа);

- муҳандислик ва транспорт инфратузилмасини капитал, ўрта ва жорий таъмирлаш, реконструкция қилиш ва қуриш (1799 лойиҳа);

- аҳоли пунктларини ободонлаштириш (965 лойиҳа).

Бандликнинг йўл харитаси инфратузилма лойиҳаларини амалга оширишда маҳаллий ишлаб чиқарувчиларнинг товарлари ва хизматларидан камида 90 фоизини фойдаланишни таъминлаш алоҳида шарт ҳисобланади. Ишчиларнинг камида ярми бандлик марказлари орқали ишга олинади, бунда ишсиз ёшларга устуворлик берилади. Пудратчилар санитария-эпидемиология чораларини қўллаш орқали хавфсиз иш шароитларини таъминлашлари керак.

Ҳудудлардаги 5 954 та лойиҳа бўйича ишлар бошланди, 120,2 мингта янги иш ўринлари, шундан 64,1 мингтаси бандлик марказлари орқали яратилди.

Йўл харитаси бўйича жами 255 мингта иш ўрни яратиш режалаштирилган. Шу билан бирга, лойиҳалар келажакда 100 мингдан ортиқ доимий иш ўринларини яратишга имкон беради.

80 та янги ўқув муассасасининг қурилиши фавқулодда ва уч сменали мактаблар муаммосини ҳал қилади, қишлоқ жойларида таълим олиш имкониятини оширади, шунингдек, 7000 га яқин ўқитувчиларни доимий иш билан таъминлайди. 24 та тиббиёт муассасасининг қурилиши бирламчи тиббий ёрдамдан фойдаланиш имкониятларини кенгайтиради ва 1000 га яқин тиббиёт ходимларини иш билан таъминлайди. 36 та маданият ва спорт иншоотининг қурилиши оммавий спортнинг ривожланишига ижобий таъсир кўрсатади, ёшларнинг бўш вақтини мазмунли қилиш муаммосини ҳал қилади ва 1,6 минг кишини доимий иш билан таъминлайди.

Ўз навбатида, 12 та янги сув иншоотининг қурилиши ва мавжудларини модернизатсия қилиниши аҳолининг ичимлик суви билан таъминланишини оширади, суғориладиган эрлар ҳажмини кенгайтиради, фойдаланилмаётган ерларни муомалага чиқаради, тегишли тармоқларда 77 минг кишини иш билан таъминлайди. 247 та янги уй-жой коммунал хўжалигини қуриш ва мавжудларини модернизация қилиш уй-жой қурилиши учун шароит яратади, қишлоқ аҳолисининг коммунал хизматлардан фойдаланишини таъминлайди, коммунал хизматларнинг эскирган тизимлари янгиланади. Аҳоли пунктларини ободонлаштириш нафақат уларнинг кўринишини яхшилайди, балки фуқароларнинг хавфсиз ва қулай дам олиши учун шароит яратади.