Брюсселда Қозоғистон-Европа муносабатлари муҳокама қилинади

ASTANА. Кazinform – Қозоғистон Республикаси Ташқи ишлар вазири ўринбосари Роман Василенко Европа кенгаши раҳбарияти билан учрашади. Бу ҳақда пойтахтда бўлиб ўтган матбуот анжуманида Ташқи ишлар вазирлиги расмий вакили Айбек Смадияров маълум қилди, дея хабар беради Kazinform мухбири.

«2023 йилнинг 23-25 январ кунлари Қозоғистон Республикаси Ташқи ишлар вазири ўринбосари Роман Василенко Брюссель (Бельгия) ва Страсбург (Франция) шаҳарларига ташриф буюради. Брюсселга амалий ташрифи доирасида Европа институтларининг юқори мартабали вакиллари билан бир қатор икки томонлама учрашувлар режалаштирилган», — деди А. Смадияров.

Унинг сўзларига кўра, Страсбургда Европа Кенгаши Парламент Ассамблеясининг қишки сессияси доирасида Р.Василенконинг Европа Кенгаши ва Европа Парламент Ассамблеяси раҳбарияти билан учрашувлари бўлиб ўтади.

«Ташрифнинг асосий мақсадлари қаторида Қозоғистон-Европа муносабатларининг бутун йўналишини кўриб чиқиш, долзарб минтақавий ва халқаро муаммолар юзасидан фикр алмашиш, шунингдек, европалик ҳамкасбларни мамлакатимизда олиб борилаётган сиёсий ислоҳотларнинг бориши, сайлов натижалари ва тайёргарлик жараёнлари ҳақида хабардор қилишдан иборат. 2023 йил 19 мартга белгиланган Қозоғистон Республикаси Парламенти Мажилиси депутатлари сайлови бўйича киритма киритилган», — деди расмий вакил.

Аввал хабар қилинганидек, 2023 йилнинг 23-24 январ кунлари Тошкент шаҳрида Иқтисодий ҳамкорлик ташкилоти Ташқи ишлар вазирлари кенгашининг 26-мажлиси бўлиб ўтади. Тадбирда Қозоғистон Республикаси Бош вазирининг ўринбосари – Ташқи ишлар вазири Мухтар Тлеуберди иштирок этади.

Муаллиф: Руслан Ғаббасов