Валюталар курси:
    usd/kzt 434.34 eur/kzt 491.93

    rub/kzt 5.56 cny/kzt 68.67
Об-ҳаво маълумотлари:
Нур-Султон : -15 °С
Алматы: 0 °С

Брюссельда Хива маданияти кунлари ўтказилмоқда

16 Ноябрь 16:42

BRUSSELS. Kazinform - Бельгия пойтахтида ТУРКСОЙ туркий маданият халқаро ташкилотининг чиқиш тадбирлари доирасида Хива маданияти кунлари бошланди, дея хабар беради Kazinform мухбири.

Халқаро туркий маданият ташкилоти йиғилишида Хива шаҳри 2019 йилда туркий дунёнинг маданий пойтахти деб эълон қилинди.

Душанба куни Ўзбекистоннинг Бельгиядаги элчихонасида туркий маданиятга оид тўрт кунлик бир қатор тадбирлар бошланди. Очилиш маросимида Ўзбекистон Ташқи ишлар вазири Aбдулазиз Комилов, Европа Иттифоқининг Марказий Осиё бўйича махсус вакили Тери Хакала, ТУРКСОЙ Бош котиби Дуйсен Қасейинов, Марказий Осиё ва Туркия дипломатик миссиялари раҳбарлари, шунингдек, Бельгия ва Европа Иттифоқининг бошқа давлатларининг таниқли жамоат арбоблари иштирок этдилар.

ТУРКСОЙ Бош котиби Д.Қасейинов ўз нутқида Европа марказида ўтказиладиган туркий маданият тадбири катта муваффақиятларга эришиб, Европа Иттифоқи резидентларига туркий халқларнинг маданияти ва урф-одатлари билан яқиндан танишиш имконини беришига умид билдирди.

– Бу, шубҳасиз, маданий меросимизни асраб-авайлашга ҳам ҳисса қўшади. Бугунги тадбир биз учун алоҳида аҳамиятга эга. 2012 йилда Турк дунёси маданий пойтахтлари лойиҳасини бошлаганимиздан бери режаларимиз амалга оширилаётганидан мамнунмиз.

Сешанба куни Европа Парламентида Европа депутатлари билан фикр алмашиш имкониятини берувчи махсус давра суҳбати бўлиб ўтади ва якуний тадбирда европаликларга бу борада туркий дунёнинг қадимий шаҳри ҳақида аниқ тасаввур ҳосил қиладиган фотокўргазма намойиш этилади»,- деди Д.Қасейинов.

«Diplomatic World» халқаро ишбилармонлик нашри вакили, «Европа Иттифоқи – Ўзбекистон» дўстлик гуруҳи аъзоси Aльберто Тюркстра ТУРКСОЙ, Ўзбекистон Республикаси Маданият вазирлиги ва «Европа Иттифоқи – Ўзбекистон» дўстлик гуруҳининг «Хива маданияти кунлари»ни ташкил этишда асосий ҳиссаси борлигини таъкидлади.

«Diplomatic World» нашрида биз бундай маданий ташаббусларни қўллаб-қувватлаш имкониятидан мамнунмиз. Биз маданий дипломатия мамлакатлар ўртасида ҳам икки томонлама, ҳам кўп томонлама мулоқот, алоқа ва ҳамкорликни яхшилаш учун асос бўлишига ишонамиз. Маданият - моддий ва номоддий шаклларда - тинчлик, низоларнинг олдини олиш ва умуман олганда, инсоний ришталарни мустаҳкамлаш учун муҳимдир. Aйниқса, биз яшаётган геосиёсий жиҳатдан беқарор дунёда бизга маданий дипломатия ҳар қачонгидан ҳам кўпроқ керак.

Умид қиламизки, бу ҳафталик тадбирлар туркий дунё тақдим этган энг яхши нарсаларни - унинг гастрономияси, мусиқаси ва бой маданий меросини намойиш этади - кўпларингизни Хива, Бурса (2022 йилда туркий дунёнинг маданий пойтахти бўлади) шаҳрига ёки келажакда туркий дунёнинг исталган бошқа қисмига саёҳат қилиш учун уйғотади, - деди европалик эксперт.

Муаллиф: Арнур Рахимбеков


Новости по теме
Ўхшаш янгиликлар