Божхона маъмуриятчилигини кучайтириш ҳисобига бюджетга қўшимча 150 миллиард тенге тушади – ҚР Молия вазири
«Божхона соҳасини тартибга солиш бўйича тезкор ва тизимли чора-тадбирлар амалга оширилмоқда. Рақамлаштиришга устувор аҳамият берилади. Оператив фаолият нуқтаи назаридан божхона назорати ва декларациялар бериш функциялари марказлаштирилди. 9 нафар ваколатли хўжалик юритувчи субъект ва бошқа йирик импортчиларга нисбатан текширишлар якунланиш арафасида. Чегарадаги электрон навбат тизимини такомиллаштириш ишлари олиб борилмоқда. Ваколатли хўжалик юритувчи субъектларга қўйиладиган малака талаблари қонун билан мустаҳкамланади», — деди вазир.
Унинг сўзларига кўра, тизимли чора-тадбирлар доирасида «АСТАНА-1» ва «Электрон ойна» ахборот тизимлари такомиллаштирилмоқда. Хатарларни бошқариш тизими мавзуга йўналтирилган ёндашувни ва маълумотларни ақлли таҳлил қилишни ўз ичига олади. Электрон ҳисобварақ-фактуралар асосида маҳсулотларни кузатиш тизимини янада ривожлантириш ишлари давом эттирилмоқда.
«Бу импортдан тортиб истеъмолчигача бўлган барча савдо занжири устидан солиқ назоратини ўрнатиш имконини беради. Бундан ташқари, Хитой билан божхона статистикасидаги тафовутни камайтириш, шунингдек, божхона инфратузилмасини модернизатсия қилиш бўйича комплекс чора-тадбирлар амалга оширилмоқда. Умуман олганда, жорий йилда божхона маъмуриятчилигини кучайтириш ҳисобига республика бюджетига қўшимча 150 млрд тенге тушади. Бу иш қатъий назорат остида», - деди Ерулан Жамаубаев.
Муаллиф: Марлан Жиембай