«Болашақ»: 57 нафар ёшлар давлат ҳисобидан илғор хорижий ОТМда таҳсил олади

NUR-SULTAN. Kazinform – 57 нафар номзодга «Болашақ» халқаро стипендияси топширилди. Ушбу қарор бугун ҚР давлат котиби Қиримбек Кўшербаев бошчилигидаги хорижда малака ошириш бўйича республика комиссиясининг навбатдаги йиғилишида қабул қилинди, деб хабар беради Kazinform мухбири.

2020 йил 26 сентябрдан 7 октябргача бўлиб ўтган танлов танловининг биринчи ва иккинчи босқичлари натижаларига кўра 59 нафар номзоднинг материаллари «Болашақ» халқаро стипендияси учун чет элда малака ошириш бўйича Республика комиссиясига тақдим этилди. Шулардан 50 нафар номзод мустақил равишда магистратурага хорижий олий ўқув юртларига ўқишга кирганлар, 7 нафари докторантурага номзодлар, 2 нафари амалиёт ўташ учун танловда иштирок этишди.

Аксарият абитуриентлар Буюк Британия (28 киши), АҚШ (19 киши) ва Австралия (7 киши) олий таълим муассасаларида ўқиш учун ариза топширишди. Бундан ташқари Швейцария, Дания, Янги Зеландия, Исроил ва Россия университетларида ўқийдиганлар ҳам бор.

Чет элда малака ошириш бўйича Республика комиссиясининг йиғилишидан сўнг 57 нафар ёш тадқиқотчига «Болашақ» халқаро стипендиясини тайинлаш тўғрисида қарор қабул қилинди.

Таъкидлаш жоизки, жорий йилдан бошлаб «Болашақ» халқаро стипендияси учун танлов процедуралари тўлиқ автоматлаштирилди. Намуна сифатида Президент ёш кадрлар захирасига танлов тизими танлаб олинди.

Эслатиб ўтамиз, «Болашақ» халқаро стипендияси Қозоғистон Республикаси Президентининг 1993 йил 5 ноябрдаги 1394-сонли фармони билан тасдиқланган. 26 йил ичида 13 976 та стипендиат хорижда таҳсил олиш имконига эга бўлишди. 13191 та стипендиатнинг 3379 нафари бакалавриат, 7229 нафари магистратура, 35 нафари аспирантура, 87 нафари клиник ординатурага, 347 нафари докторантурага, 2114 нафари амалиётчи сифатида хорижда ўқиб келишди.

2020 йилда жами 555 та стипендия тайинланди, шундан 395 таси магистратура дастурлари, 50 таси докторантура ва 110 таси стажировка учун берилади.