БМТ Хавфсизлик Кенгашининг доимий бўлмаган янги аъзолари сайланди

NEW YORK. Kazinform – Чоршанба куни БМТ Бош Ассамблеяси 2021-2022 йилларга мўлжалланган Хавфсизлик Кенгашининг доимий бўлмаган бешта янги аъзоларини сайлади, дея хабар беради Kazinform мухбири.

Ҳиндистон ва Мексика мос равишда 184 ва 187 овоз йиғди.

Ғарб мамлакатлари орасида Норвегия ва Ирландия тегишлича 130 ва 128 овоз билан ғалаба қозонишди.

Энг мураккаб дипломатик баҳс Африка мамлакатлари ўртасида кечди. Бу эрда ғолиб иккинчи босқичда аниқланади. Номзодларнинг ҳеч бири, хусусан Кения ва Джибути (мос равишда 113 ва 78 овоз) керакли миқдордаги овозларни йиға олишмади. Эслатиб ўтамиз, Хавфсизлик Кенгашининг доимий бўлмаган аъзоси бўлиш учун номзодлар Бош Ассамблея делегатлари овозининг учдан икки қисмини йиғишлари керак.

БМТ Хавфсизлик Кенгашининг доимий бўлмаган аъзолари учун сайловлар одатда бир кун ичида ўтказилади. Аммо бу сафар коронавирус туфайли БМТ кунига биттадан аъзони сайлашга қарор қилди. Шундай қилиб, эртага БМТ Хавфсизлик Кенгашининг доимий бўлмаган аъзоларининг бешинчи янги аъзоси аниқланади.

COVID-19 таҳдиди туфайли Бирлашган Миллатлар Ташкилоти Бош Ассамблеяси ўз тарихидаги энг ғайриоддий овоз беришни ўтказди. Бош ассамблеянинг бўш залига ҳар бир мамлакатдан келган делегатлар бирма-бир ниқоб билан кириб, овоз беришди ва дарҳол БМТнинг қароргоҳини тарк этишди.

Муаллиф: Илияс Омаров