БМТ Бош котиби янги штаммлар хавфидан огоҳлантирди: 4 миллион одам вафот этди

NUR-SULTAN. Kazinform - Жаҳон ҳамжамияти вируснинг энг хавфли штаммлари пайдо бўлишига замин яратадиган коронавируснинг тез тарқалишини тўхтатиши керак. Бу ҳақда чоршанба куни БМТ Бош котиби Антониу Гутерриш маълум қилди, деб хабар беради Kazinform БМТ янгиликларига асосланиб.

«Бугун дунёда COVID-19 пандемияси доирасида яна бир фожиали рекорд ўрнатилди. Вирус туфайли тўрт миллион киши вафот этди», - деди у.

«Агар вирус ёнғин каби тарқаладиган бўлса, миллионлаб одамлар хавф остида қолади. У қанчалик кенг тарқалган бўлса, шунчалик юқумли, ўлимга олиб келадиган ва мавжуд вакциналарнинг самарадорлигини камайтирадиган штаммлар пайдо бўлади «, - деди БМТ раҳбари.

Шунингдек, А. Гутерриш глобал эмлаш режасини амалга ошириш учун фавқулодда ишчи гуруҳини тузишга чақирди. Бош котибнинг таклифига кўра, унга вакциналар ишлаб чиқариш имкониятига эга бўлган барча давлатлар, шунингдек Жаҳон соғлиқни сақлаш ташкилоти, Глобал вакцина альянси ва тегишли фармацевтика компаниялари ва ишлаб чиқарувчилари билан ишлашга қодир бўлган халқаро молия институтлари киритилиши керак.