Биринчи Президент туркиялик сиёсатшунос Куршад Зорлуни қабул қилди

NUR-SULTAN. Kazinform – Қозоғистоннинг Биринчи Президенти - Елбасы Нурсултон Назарбоев турк сиёсатшуноси, профессор Куршад Зорлу билан учрашди, деб хабар беради Kazinform Еlbasy сайтига ҳавола қилиб.

Учрашув давомида Елбасы профессор Куршад Зорлуга Қозоғистоннинг шаклланиш тарихини ўрганишга бўлган қизиқиши учун миннатдорчилик билдирди.

«Мен китоб ёзганингизни биламан. Бугун «Егемен Қазақстан» газетасида унга бағишланган катта мақола эълон қилинди. Сиз Қозоғистон тараққиётининг муҳим жиҳатларини очиб бердингиз ва турк дунёсининг бирлиги муҳимлигини таъкидладингиз», - деди Нурсултон Назарбоев.

Куршад Зорлу ушбу учрашув учун миннатдорчилик билдирди ва Биринчи Президентнинг мустақил Қозоғистонни барпо этишдаги улкан хизматларини таъкидлади.