Бир йилда 446 минг чақалоқ - Қозоғистонда карантиндан кейин ҳам беби-бум давом этмоқда
24 Май 14:53

Бир йилда 446 минг чақалоқ - Қозоғистонда карантиндан кейин ҳам беби-бум давом этмоқда

NUR-SULTAN. Кazinform - Қозоғистонда коронавирус авж олган 2020 йилдан буён туғилиш кўрсаткичлари ошди, деб хабар беради Kazinform Energiprom порталига таяниб.

Қозоғистонда беби-бум 2020 йилда бошланган. Ўшанда мамлакатда 426,8 минг чақалоқ туғилган.

Бироқ 2021 йилда бу рекорд янгиланди ва туғилганлар сони ўтган йилги кўрсаткичдан 4,6 фоизга, 2019 йилга нисбатан эса 11 фоизга ошди.

446,5 минг бола туғилди. Жорий йилнинг атиги уч ойида мамлакатда 95,6 минг дона туғилганлик ҳақидаги гувоҳнома расмийлаштирилди.

Демак, икки йил аввал бошланган беби-бум давом этмоқда.

2021 йилда туғилиш даражаси ҳам янги рекорд ўрнатди: ҳар 10 минг аҳолига 235 чақалоқ тўғри келади.

Таққослаш учун, 20 йил олдин туғилиш коэффициенти ҳар 10 000 аҳолига 149 чақалоқни ташкил қилган.

Бундан ташқари, туғилишнинг умумий коэффициенти 3,32 га етди. Яъни, бир аёлнинг 3 нафардан ортиқ фарзанди бор.

Мамлакатда бундай рекорд охирги 2 йилдагина қайд этилган. 1999 йилда бу нисбат атиги 1,8 эди.

Қизиғи шундаки, 2021 йилда кўп болали оилаларда 125,1 минг бола туғилган.

Мамлакатда 4 ва ундан ортиқ фарзандли оила кўп болали ҳисобланади. Бундан ташқари, дунё эшигини очган 95 000 чақалоқ 10 ёки ундан кейинги фарзанд ҳисобланади.

Муаллиф: Марлан Жиембай

Ўхшаш янгиликлар
Қозоғистонда олти ойда 198 мингдан ортиқ чақалоқ туғилди
10 Август 18:55

Қозоғистонда олти ойда 198 мингдан ортиқ чақалоқ туғилди

NUR-SULTAN. Кazinform - Қозоғистон Республикаси Стратегик режалаштириш ва ислоҳотлар агентлигининг Миллий статистика бюроси 2022 йилнинг январ-июн ойларидаги демографик вазият ҳақида маълумот берди, деб хабар беради Kazinform.

Миллий статистика бюроси сайтида қайд этилганидек, 2022 йил 1 июл ҳолатига кўра, мамлакат аҳолиси сони 19 миллион 246,3 минг кишини, шу жумладан, шаҳарда - 11 миллион 479,6 минг (59,6 фоиз), қишлоқда - 7 миллион 766,7 минг (40,4 фоиз) кишини ташкил этди. 2021 йил 1 июл билан солиштирганда Аҳоли сони 236,7 минг кишига ёки 1,2 фоизга ошди.

2022 йил январ-июн ойлари учун республика аҳолисининг табиий ўсиши 2021 йилнинг январ-июнига нисбатан (139,7 минг киши) 7,7 фоизга камайди ва 128,9 минг кишини ташкил этди. 1000 нафар аҳолига умумий табиий ўсиш коеффициенти 13,51 кишини ташкил этди.

2022 йил январ-июн ойлари учун Республикада 2021 йилнинг мос даврига(1688 нафар чақалоқ ўлган) нисбатан 1649 нафар 1 ёшгача бўлган чақалоқлар вафот этгани қайд этилди ёки ўлим 2,3% га камайди. Гўдаклар ўлими 1000 та туғилган чақалоққа 8,32 ҳолатни ташкил этди.


CОVID-19: Япония аҳолиси 726 342 кишига камайди
10 Август 16:54

CОVID-19: Япония аҳолиси 726 342 кишига камайди

NUR-SULTAN. Кazinform – Япония аҳолиси 125,93 миллион кишигача камайиб кетган. 1 январ ҳолатига кўра олинган бу маълумотлар 2013 йилдан буён рекорд кўрсаткичдир, деб хабар беради Кazinform Kyodo News агентлигига таяниб.

Мамлакат Ички ишлар вазирлиги томонидан эълон қилинган маълумотларга кўра, доимий истиқомат қилувчи хорижликларни ҳисобга олган ҳолда аҳоли сони 125 927 902 нафарни ташкил қилади.

Япониянинг Окинавадан ташқари барча 47 префектурасида аҳоли сони қисқарди. Шу билан бирга, Токио ва Сайтама, Тиба ва Канагава префектураларида аҳоли сони камайиб бормоқда.

Ўлимлар туғилишдан юқори ва CОVID-19 пандемияси туфайли чегара чекловлари чет элликлар сонининг кам бўлишига олиб келди.

Фото: english.kyodonews.net


ШУАРнинг йирик шаҳарларида коронавирус тарқалиши сабабли чекловлар жорий этилди
10 Август 13:13

ШУАРнинг йирик шаҳарларида коронавирус тарқалиши сабабли чекловлар жорий этилди

BEIJING. Кazinform - Хитой Халқ Республикасининг 4 миллиондан ортиқ аҳолиси бўлган Шинжон-Уйғур автоном районининг (ШУАР) маъмурий маркази Урумчи шаҳрида коронавирус эпидемияси сабабли беш кунлик чекловлар жорий этилди. Бу ҳақда Kazinform мухбири эпидемияга қарши кураш бўйича маҳаллий штаб хабарига таяниб хабар беради.

Сешанба кунидан бошлаб Урумчи шаҳрининг олти тумани аҳолисининг кўчага чиқишлари чекланган. ШУАР маъмурий марказида «Статик бошқарув» жорий этилади, турар-жойлар, жумладан, алоҳида ҳовлилар учун «битта кириш ва чиқиш» тамойилига қатъий амал қилинади.

Шаҳар давлат органлари ва барча даражадаги муассасалар ходимлари масофавий иш режимига ўтказилади. Фақат қишлоқ хўжалиги бозорлари, энг зарур товарлар сотиладиган дўконлар, дорихоналар ва шифохоналар очилади. Шаҳар жамоат транспорти ҳаракати вақтинча тўхтатилди. Қарор коронавирус билан боғлиқ вазият фонида қабул қилинган.

Хабарномада таъкидланганидек, беш кун ичида ўта заруратсиз Урумчи шаҳрига чиқиш/кириш тақиқланади. Шу билан бирга, ҳаво, автомобил ва поезд қатновлари одатдагидек ишлайди.

Деярли 500,000 аҳолиси бўлган Инин шаҳрида (ШУАР, Хитой) ҳам COVID-19 чекловлари киритилган.

Сўнгги маълумотларга кўра, июл ойининг охиридан бери ШУАРда жами 500 дан ортиқ асемптоматик коронавирус ташувчиси аниқланган. Уларнинг аксарияти Инин шаҳрида (405). CОVID-19 касаллиги Шинжоннинг бошқа йирик аҳоли пунктларида – Урумчи, Хўтан, Турфон, Ақсу, Болэ ва Хами шаҳарларида, шунингдек, Қашқар, Тачэн ва Олтой туманларида қайд этилган.

Ўтган кун давомида ШУАРда 120 дан ортиқ асемптоматик коронавирус ташувчиси рўйхатга олинган, улардан 70 дан ортиғи Инин шаҳрида.

Муаллиф: Руслан Сулейменов

Янгиликлар

Архив