Беларусь ҳукумати ваколатлари тугатилди

MINSK. BELTA-Kazinform – Беларусь ҳукумати мамлакат янги Президенти олдида ваколатларини ўзидан соқит қилди. Бу ҳақда мамлакат Вазирлар Кенгашининг 15 августдаги қарори қабул қилинди. Ушбу қарор Миллий ҳуқуқий Интернет порталида бугун эълон қилинди, деб хабар беради Kazinform БЕЛТАга ҳавола қилиб.

Ҳужжатга кўра, Беларусь Конституциясининг 106-моддасига, 2008 йил 23 июлда қабул қилинган «Беларусь Республикаси Вазирлар Кенгаши тўғрисида»ги №424-З сонли Қонуннинг 9-моддасига биноан Беларусь ҳукумати янги сайланган Президент олдида ваколатларини ўзидан соқит қилди.

Қарор қабул қилинган кундан бошлаб кучга киради.

Бунгача эса давлат раҳбари Александр Лукашенко ҳукуматнинг келгуси фаолияти учун ҳужжатларни зудлик билан тайёрлашни буюрган ва янги ҳукуматнинг асосий таркиби шакллантирилиб бўлганини таъкидлаган.