Беларусь COVID-19га қарши ўз вакцинасини яратади

MINSK. Kazinform – БЕЛТА - Беларусь Президенти Александр Лукашенко коронавирус инфекцияга қарши маҳаллий вакцинани яратиш тўғрисида фармонни имзолади, деб хабар беради Kazinform БЕЛТАга таяниб.

Ҳужжат 2021-2023 йилларда Соғлиқни сақлаш вазирлиги ва Миллий Фанлар академияси томонидан тегишли вакцинани яратиш бўйича бир қатор чора-тадбирларни амалга оширишни назарда тутади. Хусусан, ташкилот - уни яратиш бўйича ишларнинг ижрочилари, ушбу ишни молиялаштиришнинг асосий босқичлари ва манбалари, клиникадан олдин ва клиник синовларнинг ўтказилиш муддатлари аниқланди.

Соғлиқни сақлаш вазирлиги ва Миллий Фанлар академиясининг илмий ташкилотлари, буйруққа мувофиқ, вакцинани яратиш учун зарур бўлган асбоб-ускуналар ва бутловчи қисмлар билан таъминланади. Шунингдек, Миллий Фанлар Академияси Биофизика ва ҳужайра муҳандислиги институтининг Экспериментал ва амалий вирусология марказини реконструкция қилиш кўзда тутилган.