Беларусь 2021 йилги хоккей бўйича жаҳон чемпионатини ўтказиш ҳуқуқидан маҳрум бўлди
IIHF томонидан берилган расмий баёнотга кўра , Минскдаги Жаҳон чемпионати дастлаб 2021 йил 21 майдан 6 июнгача ўтказилиши керак эди. Беларусьдаги сиёсий вазият туфайли бир қатор мамлакатлар, ташкилотлар ва ҳомийлар Минск ташрифига қарши чиқдилар.
«IIHF хавфсизлик муаммоларини ҳисобга олган ҳолда, бугун 2021 йилги хоккей бўйича Жаҳон чемпионатини Минскдан кўчирилиши кераклигини тасдиқлади. Ушбу қарор кенгаш томонидан узоқ муҳокамадан сўнг қабул қилинди. IIHF Чемпионатнинг барча иштирокчиларининг аҳволини кўриб чиқишга мажбурдир. Музокаралар давомида мустақил экспертлар ва барча манфаатдор томонлар мамлакатдаги сиёсий нотинчликлар ва COVID-19 масалаларини инобатга олдилар. Жараённинг якуний босқичи ўтган ҳафта Беларусь ҳукумати билан учрашув ва мустақил эксперт хулосасини тайёрлашдан сўнг муҳокама қилинди», - дейилади федерация баёнотида.
Жаҳон чемпионати қаерда ўтказилиши тўғрисида бирон бир қарорга келилмаган. IIHF ушбу масалани ўрганмоқда ва Жаҳон кубогини битта жойда ўтказишни муҳокама қилмоқда. Аввалроқ Латвия давлати мусобақани ўтказишга тайёрлигини маълум қилганди.
Эслатиб ўтамиз, Қозоғистон терма жамоаси 2021 йилги жаҳон чемпионатида иштирок этади.