Бельгияда коронавируснинг «британ» штамми тарқалмоқда

BRÚSSEL. Kazinform – Ғарбий Фландрия (Бельгия) Хаутхульст шаҳрида COVID-19нинг янги британ штаммлари тарқалмоқда. Бу ерда 128 киши вируснинг мутацияланган шакли билан касалланган. Уларнинг 63 нафари қариялар уйлари тарбияланувчиларидир, деб хабар беради Kazinform мухбири.

Ҳозирда Бельгияда коронавируснинг янги британ штамми билан касалланганларнинг умумий сони кам, аммо бу рақам албатта кўпаяди, деди якшанба куни бельгиялик вирусолог Марк ван Ранст.

«Янги йилдан бошлаб уларнинг сони кўпаймоқда. Биз британ штаммини юқтирганлар сонининг кўпайишини кўрмоқдамиз. Рождество таътилидан кейин мамлакатга сайёҳларнинг келиши унинг тарқалишига ҳисса қўшган бўлиши мумкин. Келгуси кунлар ва келгуси ҳафталарда вазият қандай ривожланишини кўриб чиқамиз», - деди М. Ранст.

Вирусолог британ штаммига эътибор бериш керак деб ҳисоблайди.

«Ушбу турли хил штаммларни аниқлаш жуда муҳимдир. Касалликнинг оғирлиги ўзгаришсиз қолса-да, эҳтиёт бўлиш керак. Шунинг учун COVID-19га қарши тегишли чораларни бажариш, шу жумладан британ штаммига қарши курашда ушбу талабларга риоя қилиш муҳимдир. Бундан ташқари, хонани тўғри шамоллатиш муҳимдир», - деди бельгиялик мутахассис.

Муаллиф: Арнур Рахимбеков