Бельгияда АЭС реакторларидан бири ёпилди
21:14, 04 Октябр 2022
BRUSSELS. Кazinform - Бельгиянинг Льеж провинциясидаги «Тианж-3» ядро реактори режадан ташқари ўчирилди. Бельгия ҳукумати мамлакатнинг электр таъминотига ҳеч нарса таҳдид солаётгани йўқлигини маълум қилди, деб хабар беради Кazinform мухбири.
«Тианж-3» ядро реактори ҳозирда ишламаяпти. Атом электр станциясини бошқарадиган энергия ишлаб чиқарувчи «Engie» компанияси реактор душанба куни эрталаб соат 8:30 атрофида ёпилганини айтди.
Операторнинг баёнотида айтилишича, «ходимлар реакторни хавфсиз ҳолатга келтира олдилар». «Engie Electrabel» ҳозирда тўхташ сабабларини ўрганмоқда.
Бельгияда ишлаётган қолган 5 та ядровий реактор нормал ишламоқда ва электр тармоқлари оператори «Тианж-3» реакторидаги муаммолар электр таъминотига таъсир қилмаслигини айтди.
Фото: vrt.bе