Валюталар курси:
    usd/kzt 426.14 eur/kzt 497.05

    rub/kzt 6.02 cny/kzt 66.69
Об-ҳаво маълумотлари:
Нур-Султон : 9 °С
Алматы: 15 °С

Батыс Қазақстанда коронавируспен күрес шараларына 4,2 млрд теңге бөлінді

24 Сентябрь 18:47

ОРАЛ. ҚазАқпарат - Батыс Қазақстан облысында коронавирустың таралуының алдын алу және жол бермеу шараларына биыл 4,2 млрд теңге бөлінді, деп хабарлайды ҚазАқпарат тілшісі.

БҚО әкімінің орынбасары Айдар Нұралиевтің Орталық коммуникациялар қызметі ақпараттық алаңында мәлім еткеніндей, сонымен қатар ҚР Үкіметінің резервінен вакциналарды сатып алуға 3,4 млрд жуық теңге берілді.

Оған қоса облыстың жергілікті атқарушы органының резервінен вакциналарды сақтау үшін мұздатқыш камералар мен термоконтейнерлер сатып алуға, медициналық ұйымдарды оттегі станциялармен қамтамасыз етуге, тамақпен, қонақүймен қамтуға, медицина қызметкерлерін тасымалдауға 478,1 млн теңге жұмсалды.

Облыстық жұқпалы аурулар ауруханасына жабдықтар сатып алуға жергілікті бюджеттен 316,6 млн теңге қаралды.

Жыл басынан бері 27 849 адам коронавирус жұқтырса, соның 22 350-і жазылып шықты. 582 науқас көз жұмды.

Еске сала кетейік, бұдан бұрын БҚО-да 95 жастағы соғыс ардагерінің вакцина қабылдағанын жазған болатынбыз.


Муаллиф:

Елжан Ералы

Новости по теме