Бандлик йўл харитаси доирасида Қозоғистонда 12 мингдан ортиқ иш ўрни яратилди
«2021 йилда 2020-2021 йилларга мўлжалланган Бандлик йўл харитаси доирасида 12,3 мингта иш ўрни яратилди, уларнинг асосий қисми амалга оширилаётган инфратузилма лойиҳалари доирасида тақдим этилди.
Бандлик йўл харитаси лойиҳаси 4 та асосий йўналишга бўлинган:
-аҳоли турмуш сифатини ошириш;
-кичик ва ўрта корхоналарни молиялаштириш имкониятларини ошириш;
-агросаноат комплексини ривожлантириш;
-ҳудудларда тадбиркорликни ривожлантириш.
Айни пайтда Бандлик йўл харитаси лойиҳасининг биринчи йўналиши доирасида 248 та инфратузилма лойиҳаси бўйича қурилиш ишлари олиб борилмоқда, шундан 43 таси (25 таси Жамбил вилоятида, 6 таси Чимкент шаҳрида, 4 таси Павлодар вилоятида, Қостанай вилояти ва Ғарбий Қозоғистон вилоятида - 2 тадан, Ақмола, Атирау, Шарқий Қозоғистон вилоятлари ва Нур-Султон шаҳрида - 1 тадан) қурилиш ишлари аллақачон якунланган.
382 та доимий иш ўрни яратилди: Нур-Султанда - 125 та, Қостанай вилоятида - 103 та, Жамбил вилоятида - 90 та, Атирау вилоятида - 30 та, Шарқий Қозоғистон вилоятида - 7 та, Чимкент шаҳрида - 27 та.
Шундай қилиб, амалга оширилаётган биринчи йўналиш лойиҳаси доирасида 10,7 минг киши иш билан таъминланди», - дейилади хабарда.
«Бандлик йўл харитаси» лойиҳасининг иккинчи йўналиши доирасида тадбиркорлик фаолиятини очиш ёки ривожлантириш учун умумий қиймати 7 миллиард тенгега 1,3 минг микрокредит ажратилиб, 1,2 минг доимий иш ўрни яратиш имконини берди.