БАА компанияси Жамбил вилоятида шамол электр станцияларини қуради

ASTANA. Kazinform – Қозоғистоннинг Бирлашган Араб Амирликларидаги элчиси Мадияр Менилбеков «Masdar» компанияси бош ижрочи директори Муҳаммед ал-Рамаҳи билан учрашди. Музокаралар чоғида томонлар компаниянинг Жамбил вилоятида шамол электр станцияларини қуриш режасини тасдиқлади, дея хабар беради Kazinform ҚР Ташқи ишлар вазирлиги матбуот хизматига таяниб.

Учрашувда томонлар «Masdar» жорий йил 8-9 июнь кунлари бўлиб ўтадиган Астана халқаро форумида Қозоғистон давлат органлари томонидан амалга оширилаётган йўл харитасини имзолаши тўғрисида келишувга эришди.

Қайд этиш жоизки, 2006 йилда ташкил этилган «Masdar» компанияси қайта тикланадиган энергия манбалари ва барқарор ривожланиш соҳасида жаҳонда етакчи компания саналади.