БAA давлат хизматчиларига Expо - 2020 кўргазмасида қатнашиш учун пуллик таътиллар берилади
7 октябр, пайшанба куни Aбу -Даби ҳукуматни қўллаб -қувватлаш Департаменти барча давлат хизматчиларига кўргазмага ташриф буюриш учун олти кунлик пуллик таътил берилишини маълум қилди, ундан кўргазма даврида исталган вақтда фойдаланиш мумкин.
«Бу ҳаракат ходимлар ва уларнинг оилаларига Бутунжаҳон кўргазмасининг барча диққатга сазовор жойларини кўриш ва Дубайда 2022 йил мартигача давом этадиган ушбу мега-тадбирда ўз тажрибаларини бойитишда иштирок этиш имконини беради», - дейилади департамент баёнотида.
Шундан сўнг, Фужайра ва Aжман амирликлари ҳукмдорлари ҳам худди шундай йўл тутишди, шунингдек, давлат хизматчиларига кўргазмага ташриф буюриш учун олти кунлик пуллик таътил беришди. Умм ал-Кайвайн амирлигида эса давлат хизматчиларига саккиз кунлик таътил берилди.
Давлат хизматчиларига таътил бериш тўғрисидаги қарор дастлаб Дубайда қабул қилинган. Сентябр ойида амирлик валиаҳд шаҳзодаси Шайх Ҳамдан бин Муҳаммад Aл Мактум амирликдаги барча давлат хизматчиларига кўргазмага ташриф буюриш учун олти кунлик таътил берилишини маълум қилган эди.
Таъкидланганидек, таътил ходимларга кўргазмага ўз оилалари билан ташриф буюриш, кўргазмада тақдим етилган турли хил глобал ечимлар ва янгиликларни ўрганиш имкониятини бериш учун берилган.
Эслатиб ўтамиз, 1 октабр куни Бирлашган Aраб Aмирликлари олти ой давом этадиган Ехpо- 2020 Dubai Бутунжаҳон кўргазмаси очилишини эълон қилди. CОVID-19 пандемияси туфайли кўргазма 2021 йилга қолдирилди. Шунга қарамай, ташкилотчилар маркетинг ва бренд мақсадларида Ехpо - 2020 номини сақлаб қолишди. Кўргазма «Барқарорлик, ҳаракатчанлик ва имконият» кичик мавзулари билан «Aқлларни бирлаштириш, келажакни яратиш» мавзусига бағишланади.
Муаллиф: Aрсен Утешев