Aystralian open-2023: Елена Рибакина энг яхши натижаларни кўрсатмоқда

ASTANA. Kazinform – Қозоғистоннинг биринчи, жаҳоннинг 25-ракеткаси Елена Рибакина Австралия очиқ чемпионатининг биринчи куни якунларига кўра тўп узатишдан энг яхши натижага эришди, деб хабар беради Kazinform мухбири.

Қозоғистон теннис федерациясининг хабар беришича, Е.Рибакина италиялик Элизабетта Коччаретто билан ўйинда иккинчи сет охирида 195 км/соат тезликда тўп узатди.

Бу ҳозиргача аёллар ўртасидаги энг яхши кўрсаткич.

Мазкур «Катта дубулға» турнирининг 22-ракеткаси сифатида рўйхатдан ўтган қозоғистонлик теннисчи эртага иккинчи даврада дунё рейтингида 104-ўринни эгаллаб турган словениялик Кайя Йуванга қарши кортга чиқади.

Яна бир қозоғистонлик Юлия Путинцева бугун руминиялик Сорана Кирстя билан илк учрашувини ўтказади.

Эслатиб ўтамиз, аввалроқ Елена Рибакина Австралия очиқ чемпионатини ғалаба билан бошлагани ҳақида ёзган эдик.

Муаллиф: Ғайсағали Сейтақ

Фото: Қозоғистон теннис федерацияси.