Австриядаги дўконларга COVID-19га манфий тестисиз кириш тақиқланади

NUR-SULTAN. Kazinform –Австриядаги дўконларга коронавирусга топширган манфий тестсиз киришга рухсат берилмайди: ушбу қарор тўғрисида республика Соғлиқни сақлаш вазирлиги хабар берди. Мамлакат шарқидаги учта минтақа, шу жумладан Вена шаҳри, апрель ойининг биринчи ҳафтасида қаттиқ «пасха» карантинга ёпиқ бўлади. Ушбу даврда ноозиқ-овқат дўконлари, шунингдек, хизмат кўрсатиш корхоналари ҳам ёпилади. Нафақат маскалар, балки юқори даражадаги ҳимоя воситаларини жамоат жойларида, бир нечта одам тўпланган ёпиқ хоналарда кийиш мажбур бўлади, деб хабар беради Kazinform Еuronews.comга асосланиб.

Рудольф Аншобер, Австрия Соғлиқни сақлаш вазири: «Бунинг сабаби кимдир бирон нарсада айбдор эканлиги учун эмас, балки австриянинг шарқида британи штамм, британ мутацияси тез тарқалиб кетгани учун. Ва бунинг оқибатлари биз тасаввур қилганимиздан анча оғир бўлиб чиқди».

Карантин ҳафтасидан сўнг, 7 апрелдан бошлаб, ноозиқ-овқат дўконлари очилиши керак, аммо у ерда фақат манфий тест натижаларини тақдим этганларга кириш рухсат берилади. Бу муҳим товарларни сотадиган дўконларга таъсир қилмаслиги керак.

Шу билан бирга, Австрия ҳукумати карантинни жорий этиш ва бекор қилиш ваколатларини ҳудудларга ўтказишга ваъда бермоқда. Мамлакатдаги вазият аллақачон жуда хилма-хил: ғарбдаги вазият шарқдагига қараганда анча тинчроқ.