Австралиянинг шарқий қирғоқларида ўнлаб ўрмон ёнғинлари давом этмоқда

SIDNEY. Кazinform - Австралиянинг шарқий қирғоқларида давом этаётган жазирама тўлқини туфайли ўнлаб ўрмон ёнғинлари кучайиши мумкин, деб хабар беради Кazinform BBC Newsга таяниб.

Икки йиллик ёмғир ва тошқиндан сўнг, илиқроқ шароитга қайтиш Янги Жанубий Уэльсда 2019-2020 қора ёз мавсумидан бери энг ёмон ёнғинларни келтириб чиқарди. Масалан, Сиднейдан 250 км шимоли-ғарбда ёнғин баландлиги 10-15 м га етди.

Австралиянинг энг кўп аҳолиси бўлган Янги Жанубий Уэльснинг жабрланган ҳудудлари аҳолисини эвакуация қилишга чақирилди. Аллақачон бир нечта объектга зарар етказилгани ҳақида хабарлар бор.

Штатнинг айрим ҳудудларида ҳаво ҳарорати 2021 йил январидан бери биринчи марта душанба куни 40°C га етди.

Ўт ўчирувчилар сешанба куни штатда 33 та ёнғин давом этаётганини, улардан 10 тасини назорат остига олишнинг иложи йўқлигини айтди. Янги Жанубий Уэльс ёнғин бошқармаси кучли шамол ёнғинларнинг тез тарқалишига сабаб бўлганини айтди.

Австралиялик метеорологларнинг огоҳлантиришича, Янги Жанубий Уэльс шарқида момақалдироқ бўлиши мумкин, бу эса янги ёнғинларни келтириб чиқариши мумкин. Иссиқ ва қуруқ ҳаво чоршанбага қадар давом этиши кутилмоқда.

Шарқий Австралияда кетма-кет уч ёзда ўртача даражадан юқори ёғингарчилик кузатилди, бу эса кенг кўламли тошқинларга олиб келди.

2022 йилда Сидней рекорд даражадаги энг ёмғирли йилни қайд этди.

Австралиядаги энг даҳшатли табиий офатлардан бири бўлган 2019-2020 йилги қора ёз ёнғинларида камида 33 киши ва 3 миллиардга яқин ҳайвонлар ва қушлар ҳалок бўлди.