Август ойида Германияда инфляция 8 фоизга яқинлашди

BRUSSELS. Кazinform - Германия Федерал статистика бошқармаси маълумотларига кўра, Германияда инфляция июн ва июл ойларида бир оз пасайишдан сўнг август ойида яна ўсди, деб хабар беради Kazinform мухбири.

Жорий ойда нархларнинг ўсиш даражаси 7,9 фоизни ташкил этди. «Commerrzbank» бош иқтисодчиси Йорг Кремер Reyters агентлигига газ солиғи, ёқилғи чегирмаларининг тугатилиши ва 9 евролик имтиёз йўлланмасининг олиб ташланиши йил охиригача инфляцияни 10 фоизга кўтариши мумкинлигини айтди.

Немис матбуоти ўсиш иқтисодчилар кутганидан ҳам юқори бўлганини ёзмоқда. Май ойида 7,9% дан июлгача 7,5% га тушганидан сўнг, экспертлар август ойида бу кўрсаткич 7,8% бўлишини кутишган.

Нархларнинг энг катта сакраши энергетика соҳасида кузатилди. Украинадаги вазият ва Россияга қарши санкциялар Германияни қишгача Россия газига қарамлигини камайтириш чораларини кўришга ундади.

2022 йил август ойида Германияда энергия нархи ўтган йилнинг шу ойига нисбатан 35,6 %га қимматроқ эди.

Германияда айниқса тез инфляцияни бошдан кечирган яна бир сектор озиқ-овқат нархлари бўлиб, июн ойида 12% ни ташкил этган ва август ойида 16,6% га этган.

Немисларга молиявий бўронни енгиб ўтишга ёрдам бериш учун кузда энг кам иш ҳақини ошириш ва газ солиғини камайтириш режалаштирилган.

Иқтисодчилар, шунингдек, Европа Марказий банки бутун Еврозонада сезилаётган инқирозга қарши курашиш учун фоиз ставкаларини ошириши мумкинлигини тахмин қилмоқда.

Фото: www.dw.cоm

Муаллиф: Арнур Раҳимбеков