Australian Open: Елена Рибакина илк бор ярим финалга чиқди

ASTANA. Kazinform – Қозоғистоннинг биринчи, дунёнинг 25-ракеткаси Елена Рибакина Австралия очиқ чемпионатининг ярим финалига чиқди, деб хабар беради Kazinform мухбири.

Қозоғистонлик теннисчи чорак финалда дунёнинг 17-ракеткаси, Ролан Гаррос турнирининг 2017 йилги чемпиони, латвиялик Елена Остапенко билан куч синашди.

Рақиблар бунгача икки марта тўқнаш келишган, ҳар иккисида латвиялик спортчи ғалаба қозонган.

Бу сафар Е.Рибакина Род Лейвер номидаги марказий аренадаги учрашувини брейк билан бошлади – 2:0. Яна бир брейк – 4:1. Кейин эса тўпни сетга берганида ҳам имкониятни бой бермади - 6:2.

Иккинчи ўйинда эса аксинча, Е.Остапенко брейк билан олдинга ўтди - 2:0. Бироқ қозоғистонлик теннисчи бир вақтнинг ўзида нафақат ҳисобни тенглаштирди ва олдинга чиқди – 4:2. Кейин эса учрашувни ғалаба билан якунлади - 6:4.

Шу тариқа, аввалроқ «Уимблдон» чемпиони бўлган Елена Рибакина спорт фаолиятида илк бор Австралия очиқ чемпионатининг ярим финалига йўлланма олди.

Бир соату 19 дақиқа давом этган баҳсда Е.Рибакина 11 та эйс амалга оширди ва 6 та брейк-понтдан 4 тасидан фойдаланди. Рақиб 1 эйс, 1 брейк (8 брейк-пойнт) билан ажралиб турди.

Финалга чиқиш учун Е.Рибакина дунёнинг 3-ракеткаси, америкалик Жессика Пегула ёки ўша пайтда жаҳон рейтингида етакчи бўлган, ҳозир эса 24-ўринда Беларусь вакили Виктория Азаренка билан куч синашади.

Муаллиф: Ғайсағали Сейтақ

Фото: Қозоғистон теннис федерацияси