Аustralian Оpen-2023: бугун қозоғистонлик Елена Рибакина финалда чемпионлик учун кураш олиб боради

ASTANА. Кazinform – Бугун Австралия очиқ чемпионати финалида қозоғистонлик Елена Рибакина ва жаҳоннинг 5-ракеткаси, Беларусь вакили Арина Соболенко чемпионлик учун кураш олиб боради, деб хабар беради Кazinform мухбири.

Иккала теннисчи ҳам илк бор Австралия очиқ чемпионатининг финал босқичида иштирок этмоқда.

Бунгача 23 ёшли Елена Рибакина 2020 йилда учинчи босқичга чиққанди. Ундан бир ёш катта Арина Соболенко эса ҳеч қачон тўртинчи босқичдан нарига ўта олмади.

Маълумки, Е.Рибакина ўтган йили Уимблдон турнири чемпионига айланганди. А.Соболенко 2021 йилда Уимблдон ва АҚШ очиқ чемпионати, 2022 йилда эса АҚШ очиқ чемпионатининг ярим финалига чиқди. Бу унинг «Катта дубулға» турниридаги илк финали бўлади.

Финал учрашуви шанба куни Астана вақти билан соат 14.30да бошланади.

Австралия очиқ чемпионатининг умумий соврин жамғармаси 51,3 миллион АҚШ долларидан ошади.

Эслатиб ўтамиз, аввалроқ Елена Рибакина Австралия чемпионатида илк бор финалга чиққани ҳақида хабар берган эдик.

Қозоғистонлик теннис қизлар Ҳиндистондаги турнирнинг финал босқичига чиқди.

Фото: ktf.kz

Муаллиф: Ғайсағали Сейтақ